لوحدك تهاجمك جيوش الجراد
مدافع دانات حثالة بشر
صهاينة انجليزى مع الامريكان
وقسوة غيلان وعنف التتر
يحاولوا يذلوا شموخك وشعبك
ويمحوا تاريخنا ويطفوا القمر
وجنبك هنادوة زمان ارتدادنا
قبايل مهانة هتصبح اثر
لوحدك بداية خيوط المؤامرة
ولسة فصولها ولسة الختام
وشوف الوضاعة يحاصروا الرضاعة
تموت الوليدة بدون الفطام
وبعد المفاعل يهدوا المصانع
وكلة ببركة وامر الحاخام
وخاف الاشقا يشيلوا سلاحهم
وخافوا يا سيدى مجرد كلام
وتصمد وتدفع فاتورة ضياعنا
وحاجة قالولنا عليها السلام
لوحدك و حلف الاعادى يواجهك
شيوخ الخيانة شواذ الرجال
ونفس الوجوة اللى حاربت بلادنا
ونفس اللى حاربوا وخانوا جمال
ولكن تحاول تشيلها لوحدك
وتكتب بدمك قصيدة نضال
تقول العروبة سلاح اللى غازى
وغيرها معدش خلاف العقال
لوحدك وشامخ كما النخل عالى
بدون الرفاقة بدون الصعاب
برغم الشدايد ورغم الضحايا
ورغم الاعادى ورغم الكلاب
تقاوم مواتك وتكتب ميلادك
تصون الكرامة ووحدة تراب
وتفضل يا سيدى حضارة عروبة
وقائد وفارس وسيد مهاب
اسماعيل بدر
